因為blog已經過時，無人睇。
所有經驗都會留待未來出書再分享。
2024年3月14日星期四
2024年2月13日星期二
余華小說
依個新年假，睇左兩本余華小說，分別係活著同許三觀賣血記。
好耐之前都買左余華既書子書，但一路都無睇，因為之前成日覺得，睇小說無乜用，成日睇工具書。但係工具書，好多時都係好難應用到。
第一本睇既余華係活華，依本小說真係睇到哭了。依本小說既人物，不停咁死，好慘，好不幸，唯獨主人翁褔貴死唔去，好多次褔貴都好大機會死，但都俾佢捱過，但係佢既屋企人就好不幸，同佢有關既人，例如母親，老婆，佢既仔女，女婿都死左。
真係好慘，到最後得番佢一個同埋一隻老牛。
老實講，如果人睇唔開，經歷左咁既人生，主角可能都會唔想過依個人生。但係，主角睇化左個人生，活著就係為活著，只要活著，就繼續活著，活到活唔到為止。命運無常，命運要玩弄你，點都避唔到，不如活在當下。
活著依本小說對我非常深刻，有相逢恨晚既感覺。
而許三觀賣血記就無咁深刻，依本小說講許三觀，為左養育屋企人，不管自己既生命，都要賣血賺錢，去到老左，想再賣血，醫院嫌佢老，佢唯一可以搵既方法已經失去，佢擔心唔可以再為屋企人出一分力。但係佢三個兒子，無體會許三觀既心情，只係覺得許三觀令佢地無面子，唔知許三觀當時會唔會覺得，一路以黎既賣血得唔到屋企人既珍惜呢？
第三本小說係兄弟，睇左五份一到，已經感到好慘烈。
三本書都係講緊文革既時代，令我好想了解多啲當時既情況。
2019年11月28日星期四
2019年11月11日星期一
活在別人的世界 VS 活在自己的世界
其實我們應該活在哪個世界？
自問自己很介意別人對自己的看法，也認識一些朋友很自我，不介別人看法。這令我想探討一下應該活在哪個世界。
先說活在別人的世界，因為介意別人對自己的看法，很多決定都會以討好別人為主，形成一個好好先生的外型。換個角度看，因為在意別人怎去看待自己，而有動力去改進自己。但太極端的情況，別人的看法會成為包袱。
而活在自己的世界，則非常自由自在，不理會別人，自己想怎樣就怎樣，可以看成是一個很難合作的人。因為不屈服，所以很有性格。不理會別人看法，沒有包袱，只要自己認為合理就去做，不介意別人怎看。換個角度是很有主見的人，向好方向發展是有自信。
如果兩者要選，我認為底蘊是要活在自己世界，外表是活在別人世界。因為如果單一性的世界是病態的。
所以是能對外是活在別人世界，而當有原則性的問題就要活在自己世界。
很不具體，我也不知道在說甚麼，哈！
2019年11月3日星期日
設定目標的重要性
啱啱睇緊一本書。關於逆算，即係先定目標，再向後定而家要做咩事。
想係度寫下我既睇法。
首先依本書係日本人寫，所謂既逆算即係定目標。例如你三點鐘要去某個地方，想預早五分鐘到，而車程要三十鐘，咁樣你一定要兩點二十五分上到車。唔係就達成唔到個目標。依個就係逆算既concept。
我諗好多人都有用依個方法，不過作者主張係用依個方法應用係工作同人生上。其他依類書都有提過，個目標定左之後，一定要踏出第一步去實行。
如果只係定目標而唔執行，咁樣一定會失敗！然後執行既方法就要睇下你點計劃。
計劃係要按時按情況而改變，即係當初所定既計劃要一路執行一路反省一路調整。始終一開始定既計劃係無未知有無其他野會影響度。所以一路執行一路調整計劃先可以避免行錯路。
第三點係唔好怕個目標會達成唔到，然後唔敢踏出第一步，或者唔做已覺得失敗。其實目標係由好多個小目標去組合而成。
一路去達成小目標，一步步執行完成，調整，再執行。每完成一個小目標都會汲取到經驗，所以唔會白廢心機，只係越做越好。即使最後未必達到大目標，起馬慢慢完成小目標就可以！
2019年10月31日星期四
強者要對自己宗旨有堅持
我發覺番工果度，唔係個個同事都對自己友善或用鐘意自己黎形容。
其實我好介意，亦因為咁令到自己工作會唔開心。啱傾既都好多，不過唔啱傾既亦非常多。
自己唔滿意既都有好多。
點樣講呢？就係覺得自己心靈好脆弱，好似對依啲事情敏感。其實強者唔會咁樣。會反省，但唔會因為咁樣而介意。
自己有自己所堅持既野，成日講既問心無愧就係咁。或者可以分兩方面。
自己對人地：
我做人處事有自己既原則，有自己既價價觀，只要對方做既野同自己既價值觀有對沖，我就會對依個人有意見。
咁如果要我好寬容咁接受，係有啲難，因為咁樣既我就係無性格。但其實有性格係咪問題呢？
人地對自己：
啱傾就傾，唔啱傾就唔傾。其實就係咁簡單，我對你無意見，你要唔鐘意我，我都唔無法。始終你對我點，我對番你點。
所以強者應該對自己既宗旨有堅持！
訂閱：
留言 (Atom)