余華小說

 依個新年假，睇左兩本余華小說，分別係活著同許三觀賣血記。

好耐之前都買左余華既書子書，但一路都無睇，因為之前成日覺得，睇小說無乜用，成日睇工具書。但係工具書，好多時都係好難應用到。

第一本睇既余華係活華，依本小說真係睇到哭了。依本小說既人物，不停咁死，好慘，好不幸，唯獨主人翁褔貴死唔去，好多次褔貴都好大機會死，但都俾佢捱過，但係佢既屋企人就好不幸，同佢有關既人，例如母親，老婆，佢既仔女，女婿都死左。

真係好慘，到最後得番佢一個同埋一隻老牛。

老實講，如果人睇唔開，經歷左咁既人生，主角可能都會唔想過依個人生。但係，主角睇化左個人生，活著就係為活著，只要活著，就繼續活著，活到活唔到為止。命運無常，命運要玩弄你，點都避唔到，不如活在當下。

活著依本小說對我非常深刻，有相逢恨晚既感覺。

而許三觀賣血記就無咁深刻，依本小說講許三觀，為左養育屋企人，不管自己既生命，都要賣血賺錢，去到老左，想再賣血，醫院嫌佢老，佢唯一可以搵既方法已經失去，佢擔心唔可以再為屋企人出一分力。但係佢三個兒子，無體會許三觀既心情，只係覺得許三觀令佢地無面子，唔知許三觀當時會唔會覺得，一路以黎既賣血得唔到屋企人既珍惜呢？

第三本小說係兄弟，睇左五份一到，已經感到好慘烈。

三本書都係講緊文革既時代，令我好想了解多啲當時既情況。

要搵被動收入

 互聯網既時代，一定要配合番依個時代既搵錢方法。

自媒體好盛行，大家都可以分享自己既知識同經驗。門檻低左好多，只要你肯拍片，肯打字，就有機會賺到錢。

機會要自己創造，好多免費平台都賺到錢，例如知乎，youtube等等。先踏入去入左門先，唔好講賺唔賺到錢，賺到幾多錢，要用幾耐時間先賺到。如果連踏入去都唔肯，前面講既賺錢根本就唔合邏輯，因為連係互聯網賺錢既資格都無。

我係youtube見到好多唔同既既channel，連的士司機都做直播去賺錢。其實機會真係遍地都有，係睇下自己有無把握到。

希望今年可以係互聯網依個地方入到門賺錢。