其實想渣車番工左好耐！
以前一路諗，如困升到兩柴就買架車。到而家升左兩柴，計左數，一個月使四五千蚊養車，使費太大！
跟住依段時間，睇多左電單車既野，決定一係唔做，一係爽手即做！無謂拖。
琴晚就去左報名學電單車。
排期排到下年七月先有得考強制試。過到仲要等多六至九個月。真係好耐呀！
2019年11月11日星期一
活在別人的世界 VS 活在自己的世界
其實我們應該活在哪個世界？
自問自己很介意別人對自己的看法，也認識一些朋友很自我，不介別人看法。這令我想探討一下應該活在哪個世界。
先說活在別人的世界，因為介意別人對自己的看法，很多決定都會以討好別人為主，形成一個好好先生的外型。換個角度看，因為在意別人怎去看待自己，而有動力去改進自己。但太極端的情況，別人的看法會成為包袱。
而活在自己的世界，則非常自由自在，不理會別人，自己想怎樣就怎樣，可以看成是一個很難合作的人。因為不屈服，所以很有性格。不理會別人看法，沒有包袱，只要自己認為合理就去做，不介意別人怎看。換個角度是很有主見的人，向好方向發展是有自信。
如果兩者要選，我認為底蘊是要活在自己世界，外表是活在別人世界。因為如果單一性的世界是病態的。
所以是能對外是活在別人世界，而當有原則性的問題就要活在自己世界。
很不具體，我也不知道在說甚麼，哈！
2019年11月3日星期日
設定目標的重要性
啱啱睇緊一本書。關於逆算，即係先定目標，再向後定而家要做咩事。
想係度寫下我既睇法。
首先依本書係日本人寫，所謂既逆算即係定目標。例如你三點鐘要去某個地方，想預早五分鐘到，而車程要三十鐘，咁樣你一定要兩點二十五分上到車。唔係就達成唔到個目標。依個就係逆算既concept。
我諗好多人都有用依個方法，不過作者主張係用依個方法應用係工作同人生上。其他依類書都有提過，個目標定左之後，一定要踏出第一步去實行。
如果只係定目標而唔執行，咁樣一定會失敗！然後執行既方法就要睇下你點計劃。
計劃係要按時按情況而改變，即係當初所定既計劃要一路執行一路反省一路調整。始終一開始定既計劃係無未知有無其他野會影響度。所以一路執行一路調整計劃先可以避免行錯路。
第三點係唔好怕個目標會達成唔到，然後唔敢踏出第一步，或者唔做已覺得失敗。其實目標係由好多個小目標去組合而成。
一路去達成小目標，一步步執行完成，調整，再執行。每完成一個小目標都會汲取到經驗，所以唔會白廢心機，只係越做越好。即使最後未必達到大目標，起馬慢慢完成小目標就可以！
2019年10月31日星期四
強者要對自己宗旨有堅持
我發覺番工果度，唔係個個同事都對自己友善或用鐘意自己黎形容。
其實我好介意，亦因為咁令到自己工作會唔開心。啱傾既都好多，不過唔啱傾既亦非常多。
自己唔滿意既都有好多。
點樣講呢？就係覺得自己心靈好脆弱，好似對依啲事情敏感。其實強者唔會咁樣。會反省，但唔會因為咁樣而介意。
自己有自己所堅持既野，成日講既問心無愧就係咁。或者可以分兩方面。
自己對人地：
我做人處事有自己既原則，有自己既價價觀，只要對方做既野同自己既價值觀有對沖，我就會對依個人有意見。
咁如果要我好寬容咁接受，係有啲難，因為咁樣既我就係無性格。但其實有性格係咪問題呢？
人地對自己：
啱傾就傾，唔啱傾就唔傾。其實就係咁簡單，我對你無意見，你要唔鐘意我，我都唔無法。始終你對我點，我對番你點。
所以強者應該對自己既宗旨有堅持！
2019年10月30日星期三
2019年10月29日星期二
去左uniqlo買左兩套睡衣同一件外套
今日收工之後去左vwalk uniqlo買左兩套長袖睡衣，因為琴晚太涼了，頂唔順，好凍。
之前買落既兩套淘寶長袖睡衣著左兩年，爛了，一路都諗住去uniqlo買，今日係機會啦。
第一次去vwalk問uniqlo，都幾好，無乜人，又近自己，下次可以行去果度買，唔使車錢。
Vwalk真係幾方便！好彩而家都唔算遲知道依個商場。
跟住見到佢有賣件M65 Jacket，我未著過依啲外套，今次見到有，細碼啱啱好，都幾型。買黎著下先。
閲讀要以產出為目標
一路以黎我都鐘意睇睇書，更希望可以從書中汲取多啲知識，幫助自己解決生活同工作上既問題，但係𢦓效好細。
其中原因係唔夠集中閱讀，有時睇一兩版紙又想做其他野。另外原因係睇完就算，無應用或者做筆記。
關於做筆記，以往我傾向只做highlight，劃左線就當做左筆記，其實仲未內化做自己知識。所以可以話係浪費左好多時間白讀。
輸知知識有幾種途徑，包括教學，將你識既知識教俾人，咁樣該知識你就內化左。另一種就係用紙寫低，情形就好似教人野咁，不過就只係對像係張紙。
其實依編文都係我將剛睇到既一樣關於知識內化的內容用紙筆記底。
希望未來會係依度分享我內化左既知識。
By the way，我有諗過用youtube片既方式，將依啲內化知識放上網，都諗得過，不過要時間去處理。另一種片就係我睇過打拳比賽片，去做分析。
依兩樣都可以一試！
2019年10月28日星期一
十月用多左錢，時間都用多左！
今個月真係使多左！
買鑊，遊戲，Gopro，交學費，娛樂費，體適能考試費，仲有啲雜費。
去到月尾無哂錢，好似今年四月咁。真係搞唔到。
時間方面，因為搞個blog同埋剪youtube片。每日睇書既時間都少左。
十一月要改善下。
太多野想學，但係日日都浪費好多時間！
2019年10月26日星期六
2019年10月21日星期一
2019年10月20日星期日
收到google ads既 email
今朝瞓醒，睇到google send左個email俾我。話個google ads完成左六成。我登記埋啲資料先。
其實暫時我都唔知個玩法係點，係咪我就黎可以用youtube廣告賺下錢呢？
我見youtube有一個位話每日1蚊，唔知個1蚊係我俾錢去賣廣告定我既收入係最多一日1蚊呢。
始終未試過，都係摸住石頭過河。
啲旅行youtube片我原汁原味放上去算，唔搞咁多後其制作，不過整埋個封面圖片。
黎緊我諗住睇下有咩打拳片都放上去。
2019年10月19日星期六
原來唔升既wordpress係放唔到adsense廣告
今日我裝blogger既文章匯入哂去依個blog入面，諗住停左blogger再轉用wordpress黎放廣告。
試左成日，咩都做唔到，無效果。原來係要俾錢升級wordpress先可以放廣告。
依個博弈黎喎，首先我無任何收入，要俾錢升級去放廣告。再等廣告賺到既錢，去俾個升級費。假若賺到既錢多過升級費，咁你先至賺。即係wordpress賺哂，你就承擔哂啲風險。
咁無得玩啦！
算啦，本身個blog都好難賺到錢，如果要再俾錢升級，蝕既機會係非常大。搞唔掂！
咁依而個blog我用黎記下野就算。唔諗用廣告賺錢啦！
琴晚整左兩段片放上youtube
仲未買gopro，所以而家用之前係日本影既片黎試下剪接。個Final Cut Pro真係好全面，如果識得用真係可以剪到啲好專業既片。
今朝將兩段剪左既片放上youtube，不過到而家只係有十個人睇。真係好難將啲片推廣出去。不過係難架啦，咁易就唔會有人做youtuber搵食。
其實我拍片係想睇下賺唔賺到外快，所以我唔應該咁注重啲片有無人睇，應該將注意力放係拍片，拍多啲片，儲多啲片，到咁上下就會有人知。
我相信要做既野係咁，要打好個根基！
2019年10月18日星期五
諗緊買邊部機拍片好？
我諗住遲下將去旅行既片剪接好之後，就放上去youtube。
另外會買部細機拍新片，新機要專拍行路片，所以要細部同埋扣到係背囊。
暫時見到gopro hero8, dji osmo pocket同sony rxo2。
似乎gopro hero8最適合自己？
2019年10月17日星期四
2019年10月16日星期三
想買部GO PRO HERO 8 BLACK
最近有個諗法，就係拍低我出街既片，再放上youtube，睇下賺唔賺到錢。
其實我諗會有人睇，不過唔知多唔多。反正我都鐘意行路，睇下風景，同埋去下啲我未去過既地方。
部gopro要三千三，如果今日好彩牛證賺到錢我就即買，如果賺唔到，我諗都應該買，始終依樣係向目標出發既必要器材黎！
2019年10月15日星期二
2019年10月14日星期一
太耐無開依個blog，更新一下！
其實我一路都有打日記，不過無放上網。
今次我想將自己對人生，對書本，對工作，對人際關係的想法係依個地方記錄底！
仲未係好識用blog，要搵個機會學習下點樣將文章分類。
係依幾年，我經歷左好多野。黎緊仲有好多新挑戰！因為我做緊一啲自己唔係好想做既野。
但係又唔想拎其他人失望，所以暫時都硬住頭皮頂住！
遇到好多人，大部份都係差既！當然都有好既，但係差既人多過好既人。
依個係我既問題？過是個社會就係咁，大部份人都係仆街既呢？
另外，香港病了，每個週未都有大規模既遊行。
每天都有一啲不知真假既消息。
香港政府已經不是以前的香港政府。
警隊也是，差了很多。
未來的時間，我會分享多啲圖片。
希望維持到個人氣！
訂閱：
留言 (Atom)