養左一星期魚

今日星期二，已經養左魚一個星期。養魚真係好難，因為就憑肉眼係睇唔到缸水有無問題，只係見到清唔清。其實依個星期我買左幾種魚放入缸，都養唔到一日就死左，原因應該係水質唔適應。有點心灰，希望而家養既九條魚唔會再死啦。

諗番點解會養魚？係因為風水，而九條魚都算好既風水數目，我想養多兩條魚去到十一條，因為十一好似仲好，但係缸水唔俾我再加新魚，所以我諗都係唔好再行金魚街，唔好再買新魚啦，啲魚都唔平，平均四十蚊一條。其實我係為風水養魚，只要缸魚保持住九條，健康成長就可以，無須再搞咁多野啦。定期換水，每日餵糧就可以了。計埋計埋，唔計一開始開套缸既錢，買下買下都買左成五百蚊都有。

都幾浪費錢，仲未計電費果啲，所以都係脫毒唔好再沉迷買魚，好好地咁養住依九條魚先算。希望唔好再有魚升天啦，見住啲魚死都係幾灰。